Табиғи монополиялар субъектілері электронды сатып алуға көшеді

Табиғи монополия компанияларының сатып алулары Еуразиялық электронды порталда жарияланады. Өнім берушілер платформада өтінімдер береді және тапсырыс берушілермен шарттар жасасады. Биылға дейін табиғи монополиялар субъектілері сатып алуды қағазбен жүргізген.

Алғашқы сатып алулар Еуразиялық электронды порталда жарияланды және өнім берушілерден өтінімдер қабылдануда. Mitwork компаниясы жүйені енгізуге, персоналды оқытуға және монополиялардың сатып алу процестерін баптауға көмектеседі. Еуразиялық электронды портал «Табиғи монополиялар субъектілерінің электронды сатып алуы туралы» заңға толық сәйкес келеді.

Сатып алуды электронды түрде жүргізетін тапсырыс берушілер ішкі рәсімдерді жеделдетеді және ретке келтіреді. ЕЭП тапсырыс берушілерге өнім берушілер арасындағы жоғары бәсекелестік есебінен өнім берушілерді тез табуға көмектеседі. Тапсырыс берушілер порталда сенімді компаниялармен жұмыс істейді, өйткені өнім беруші компаниялар жыл сайын аккредиттеуден өтеді және жосықсыз өнім берушілер тізілімдеріне тексерулер жүргізеді.

Қағазбен жүргізілетін сатып алулар көп уақытты алатын. Мысалы, өнім берушілерге құжаттарды нотариалдық куәландыруға және оларды жеткізуді ұйымдастыруға тура келетін. Құжаттамадағы қатені түзету бірнеше күнге созылуы мүмкін. Егер сатып алу электронды түрде өтсе, құжаттамадағы қателер бірнеше минут ішінде түзетіледі, ал өтінім беру үшін скан-көшірмелерді тіркеп, «Өтінім беру» батырмасын басса жеткілікті. Электронды сатып алуда сыбайлас жемқорлықтың орын алуы мүмкін емес, ал қорытынды хаттамалар ашық қолжетімділікте жарияланады.