Жаңалықтар / ЕЭП 37.0 нұсқасында қандай жаңалық бар


2021 жылғы 30 қарашадағы №1253 Квазимемлекеттік сектордың сатып алуының жаңа қағидаларына (бұдан әрі – №1253 қағидалар) байланысты Еуразиялық электрондық порталдың үлкен жаңартылуы.

Маңызды!
2022 жылғы 1 қаңтарға дейін жарияланған сатып алулар 2019 жылғы 31 қазандағы №1201 ескі Қағидалар бойынша өтеді. 2022 жылғы 1 қаңтардан кейін жарияланған сатып алулар 2021 жылғы 30 қарашадағы №1253 жаңа Қағидалар бойынша өтеді.


Тапсырыс берушілер үшін

Жаңа сатып алу типтері қосылды:

  • жобаларды техникалық қадағалау және (немесе) басқару бойынша инжинирингтік қызметтер,
  • қаржы лизингі бойынша қызметтер,
  • ТЭН және ЖСҚ-мен жұмыстар /Қолданыстағы автомобиль жолдарын орташа жөндеу жұмыстары,
  • ТЭН/ЖСҚ және қала құрылысы жобаларын әзірлеу жұмыстары,
  • объектілер құрылысы жобаларына кешенді ведомстводан тыс/қала құрылысы сараптамасын жүргізу жұмыстары.

Енді тапсырыс беруші сатып алуға өтінім жасаған кезде сатып алу типін көрсетеді.

№1253 Сатып алу қағидаларына сәйкес демпингті есептеу өзгертілді. Демпингті есептеу таңдап алынған сатып алу типіне қарай қолданылады.

№1253 Қағидаларға сәйкес өтінімді қамтамасыз ету енді квазимемлекеттік сектордың сатып алуы үшін тек өнім берушінің электрондық әмиянындағы қаражаттарды бұғаттау немесе порталда шығарылған электронды банк кепілдігі арқылы ғана жүзеге асырылады.

Тапсырыс берушілер №1253 Қағидаларда көзделген жағдайларда жеке кабинетте қаражаттарды ұстап қалуды басқара алады. Қамтамасыз ету сомасы шарт карточкасында автоматты түрде есептеледі.

Жобалық-сметалық құжаттамамен жұмыстарды сатып алуды алдын ала талқылаусыз ашық тендер тәсілімен өткізуге тыйым салынған.

Өтінімдерді қабылдау уақыты аяқталғаннан кейін комиссия құрамына өзгерістер енгізуге тыйым салынған.
Квазимемлекеттік компания сатып алудан бас тарту үшін жылдық жоспардағы тиісті тармақтың күшін жояды.
Квазимемлекеттік сектор үшін тауарларды сатып алуды алдын ала біліктілік іріктеуін қолдана отырып жүргізу іске асырылды. Толығырақ

Сатып алуды бақылау жөніндегі орталықтандырылған қызмет мен тапсырыс беруші немесе ұйымдастырушы арасында хабарламалар мен наразылықтар алмасу іске асырылды. Толығырақ

Шарт карточкасын жасаған кезде тапсырыс беруші өнім берушінің ҚҚС төлеуші болып табылатын-табылмайтындығын көрсетеді.

Е-licensе порталынан лицензиялар тізімі жаңартылды.

Шартты орындау кезінде төлемді сақтаудағы қателік түзетілді.

Табиғи монополиялар субъектілері сатып алу қағидаларына сәйкес Еуразиялық электрондық порталда сатып алуды жариялайды және жүргізеді.

Табиғи монополиялар субъектілерінің қызметін жүзеге асыру қағидалары

Квазимемлекеттік компаниялар 4 000 АЕК-ке дейінгі тауарларды сатып алуды Omarket электронды дүкені арқылы жүргізе алады. Сатып алуға қатысу үшін интернет-дүкенге тіркеліңіз.



Өнім берушілер үшін


Квазимемлекеттік сектор компанияларының сатып алуларына қатысу үшін өтінімді қамтамасыз етуді электронды банк кепілдігі немесе электронды әмиян арқылы енгізу міндетті болды. Талап баға ұсыныстарын сұрату тәсілімен сатып алу үшін де қолданылады. Электронды әмиян ашу үшін ЕЭП-да дербес шот ашу және төлем шотын қалыптастыру қажет. Банк кепілдігін шығару үшін банкке жүгіну керек. Банк порталда электронды кепілдік шығарады. Электронды кепілдік ұсынатын банктердің тізімі Еуразиялық электронды порталда.


Егер өнім беруші сатып алуға консорциум құрамында немесе қосалқы мердігер ұйымды тарту арқылы қатысса, онда негізгі қатысушыдан басқа, қалған барлық қатысушылар порталда тіркелуі және консорциялық келісімге немесе қосалқы мердігерлік туралы мәліметтерге және тендерлік өтінімге қол қоюы тиіс.

Веб-портал өтінім берген кезде № 1253 Қағидаларға және «Квазимемлекеттік сектордың жекелеген субъектілерінің сатып алуы туралы» заңның (2021 жылғы 8 маусымдағы № 47-VII ҚРЗ) 7-бабына сәйкес консорциумның барлық қатысушыларын және қосалқы мердігерлерді автоматты түрде тексереді. Сатып алуға барлық қатысушылар сондай-ақ аккредиттеуден өтуге тиіс.

Бейрезиденттер квазимемлекеттік сектордың сатып алуларына қатысқан кезде баға ұсыныстарын тек теңгеде ұсына алады.

Квазимемлекеттік компаниялар 4 000 АЕК-ке дейінгі тауарларды сатып алуды Omarket электронды дүкені арқылы жүргізетін болады. Сатып алуға қатысу үшін интернет-дүкенге тіркеліңіз.

Жаңа біліктілік талабы – қаржылық тұрақтылық енгізіледі. Талап сатып алу сомасы 48 000 АЕК-тен асатын тендер мен аукционға қатысуға үміткер өнім берушілерге қатысты. Қаржылық тұрақтылық кірістер, салықтық төлемдер, еңбекке ақы төлеу қоры және сатып алу типіне қарай негізгі қаражаттар сияқты көрсеткіштерді құрумен айқындалады. Толығырақ



Жалпы өзгерістер


Ашық тендер
Енді алдын ала жіберу хаттамасын жариялағаннан кейін басқа өнім берушілердің құжаттарын қарап шығу қолжетімді.
Егер өнім берушіге сатып алуға өтінімді қайта бермей алдын ала рұқсат беруден бас тартса, ол наразылық білдіре алады. Наразылықты алдын ала рұқсат беру хаттамасының жобасы жарияланғаннан кейін беруге болады. Наразылық берілгеннен кейін комиссия мүшелері шешімді қайта қарай алады. Хаттама жасалғаннан кейін үш жұмыс күнінен ерте жариялана алмайды.


Шартты жеңілдіктер
Шартты жеңілдікті есептеген кезде төленген салықтар көрсеткішін портал мемлекеттік кірістер органдары ақпараттық жүйелерінің мәліметтері негізінде автоматты түрде есептейді. Егер төленген салықтар көрсеткіші 3%-дан жоғары болса, онда әрбір 0,1% өсіру үшін жүйе 0,1% жеңілдік береді, бірақ ол 3%-дан аспайды.
Жеңілдіктер тобын сараптау комиссиясы тауарлардың сипаттамалары бойынша есептейді:

  • функционалдық сипаттамалар — 3%-дан аспайды;
  • техникалық сипаттамалар — 3%-дан аспайды;
  • сапалық сипаттамалар — 5% немесе 0%;
  • тауарлардың пайдалану сипаттамалары — 3%-дан аспайды.


Аукцион
Аукцион екі кезеңмен өтеді. Енді бірінші кезеңде, ашу рәсімінен кейін бірден аукцион (төмендету сауда-саттығы) өткізіледі. Екінші кезең — бұл аукционға қатысуға арналған өтінімдерді олардың біліктілік талаптарына және аукцион құжаттамасының талаптарына сәйкестігі нысанына қарау.


Баға ұсыныстарын сұрату
Енді баға ұсыныстарын сұрату тәсілімен сатып алу кезінде өтінімді қамтамасыз ету талап етіледі. Егер сатып алу бір ғана өнім беруші қатысқандықтан өтпей қалса, онда бұл өнім берушіге портал бір көзден сатып алуға қатысуға шақыруды автоматты түрде жолдайды.


Техникалық ерекшелік
Егер өнім беруші сатып алуға бір көзден сатып алу деп қайта сараланған баға ұсыныстарын сұрату тәсілімен қатысса, онда шарт карточкасына тапсырыс берушінің техникалық ерекшелігі автоматты түрде тартылады.
Аукцион тәсілімен сатып алудан кейін шарт карточкасына өнім берушінің техникалық ерекшелігі тартылады. Бұрын шартқа тапсырыс берушінің техникалық ерекшелігі жүктелетін.




жаңарту, ЕЭП, тапсырыс берушілер, өнім берушілер, сатып алу

2022 ж. 05 қаң., 09:00:00