"АЛМАТЫ" ӘЛЕУМЕТТІК-КӘСІПКЕРЛІК КОРПОРАЦИЯСЫ" АКЦИОНЕРЛІК ҚОҒАМЫ

Әлеуметтік-кәсіпкерлік корпорациялар (ӘКК) – бұл өз қызметін өндірістен және тауарлар мен қызмет сатудан пайда табу мақсатында ұйымдастыратын тұрлаулы бизнес-құрылымдар. ӘКК-нің коммерциялық корпорациялардан басты айырмашылығы сонда, олар алынған пайданы өздері мүддесін көздеп құрылған сол өңірдегі халықтың әлеуметтік, экономикалық немесе мәдени мақсаттары үшін қайтадан жұмсайды. Қазақстан Республикасының Президенті Н. Ә. Назарбаевтың Қазақстан халқына Жолдауы. 2006 жылғы наурыз «Алматы» әлеуметтік-кәсіпкерлік корпорациясы» АҚ (бұдан әрі – Алматы ӘКК) Қазақстан Республикасы Үкіметінің 2010 жылғы 31 наурыздағы қаулысына сәйкес құрылып, Алматы қаласының Әділет департаментінде 2010 жылғы 27 тамызда тіркелді. Алматы ӘКК 100% акционері – «Алматы қаласының кәсіпкерлік және инвестициялар басқармасы» КММ. «Алматы» әлеуметтік-кәсіпкерлік корпорациясы» АҚ - қоғамдық даму институты, мемлекет пен бизнес арасындағы сенімді көпір. Отандық және шетелдік кәсіпкерлер мен инвесторлар үшін инвестиция тарту мен дайын жобаны қаржылай қолдаудан бастап, «бірыңғай сатып алу терезесін» жүзеге асыратын оператор Алматы ӘКК тұрақты жеке кәсіпкерлікті дамыту мақсатында қоғамның әлеуметтік, білім беру, мәдени мәселелерін шешумен айналысады.