Өнім берушілер үшін маңызды хабарлама

2021 жылғы 30 қарашадағы №1253 Квазимемлекеттік сектордың сатып алу қағидаларына сәйкес веб-порталда өтінімді қамтамасыз етуді екі тәсілмен енгізуге болады:
• электронды әмиян арқылы;
• электронды банк кепілдігі арқылы.
Электронды әмиянды толықтыру үшін дербес шот құру, толтыру сомасын көрсете отырып төлем шотын қалыптастыру және порталда онлайн-төлемнен басқа кез келген қолжетімді тәсілмен шотты төлеу қажет. Дербес шотты толықтыру төлем түскен сәттен бастап 1 жұмыс күні ішінде жүзеге асырылады.

Толығырақ сілтеме бойынша

Электронды банк кепілдігін ұсыну арқылы өтінімді қамтамасыз етуді енгізу сілтемеде келтірілген.
2022 жылғы 1 қаңтарға дейін жарияланған сатып алулар 2019 жылғы 31 қазандағы № 1201 ескі қағидалар бойынша өткізілетінін еске саламыз, онда әлеуетті өнім беруші мынадай қамтамасыз ету түрлерінің бірін таңдай алады:
• Қағаз тасығыштағы не электронды құжат нысанындағы банк кепілдігі;
• Сатып алуды ұйымдастырушының банк шотына енгізілетін кепілдік ақшалай жарна.